Саранонь 24-це школасо ушодовсь покш одкстомтома (эрзя)
Важодематне ютавтовить «Тонавтомань кастома» государствань программанть лувсо. Одкстомтови кудонь вельтявксось, лембелгавтови фасадось, пельс полавтовить вальматне. Истяжо учреждениясо одкстомтсызь тувортнэнь-эземтнень ды оборудованиянть. «Россиянь Федерациянь Президентэнть Владимир Владимирович Путинэнь, Мордовия Республикань Прявтонть Артём Здуновонь ды МР-нь Правительстванть лезксэст вельде поладтано одкстомтомань важодематнень тонавтомань учреждениятнесэ», — тешкстызе Саран ошонь округонь Прявтось Игорь Асабин.
Ледстясынек, 2024-це иестэ «Модернизация школьных систем образования» федеральной программанть вельде одкстомтовить республикань ещё вете учрежденият: Кемлянь, Новотроицкоень, Поселковской, Ицялонь ды Сыре Шайговань школатне. 2 иетнень перть президентэнь программанть вельде Мордовиясо одкстомтозельть тонавтомань 32 таркат.